Berisha: Veliaj dhe kartelet e drogës dogjën Sarajet e Toptanëve!
Ish-Kryeministri Sali Berisha ka akuzuar kryebashkiakun Erion Veliajn dhe kartelet e drogës, si zjarrvënësit e Sarajeve të Toptanëve në zemër të Tiranës, mbrëmjen e së hënës.
“Lal Plehu dhe kartelet e drogës dogjën Sarajet e Toptanëve, njerin prej simboleve plot histori të kryeqytetit”, shkroi Berisha në Fb, në një konkluzion që përmblidhte me një fjali të qartë, të gjitha argumentet dhe akuzat e tij të viteve të fundit ndaj Veliajt dhe klientëve të qeverisë për të uzurpuar sheshet e ndërtimit në zemër të kryeqytetit.
Këto akuza jo vetëm nga Berisha, kulmuan me shembjen e godinës së Teatrit një vit më parë, por u përforcuan sërish sot me incidentin e zjarrit tek Sarajet, në truallin ngjitur.
