Sali Berisha parashikon fitore të madhe në Tiranë: Të dhënat e mia tregojnë se opozita e bashkuar merr 26 mandate në kryeqytet.
Ish-kryeministri Sali Berisha ka deklaruar mbrëmjen e some se ka të dhëna që opozita e bashkuar do të marrë 26 mandate deputetësh në Tiranë në zgjedhjet e 25 prillit.
Sipas tij, administrata ka urrejtje të pakufijshme ndaj Ramës, ndaj do të bëjnë të pamundurën për t’u çliruar nga ai.
“Asgjë nuk di të jetë e vendosur. Po për Kavajën kam respektin më të madh. Garimi im në një rast të mundshëm në Tiranë, nuk krijon asnjë konkurencë në Tiranë me z. Basha. Ai është lideri i koalicionit që po çon Shqipërinë në fitore dhe nuk ka asnjë mundësi që unë të marrë më shumë vota se ai. Kam disa të dhëna që Opozita e bashkuar mund të marrë në Tiranë 26 deputetë, kjo pasi Rama është në rrokullisje të madhe. Administrata ka një urrejtje të pakufishme ndaj tyre. Administrata i ka ardhur në majë të hundës me Edi Ramën dhe pjesa dërrmuese e tyre do të bëjnë të pamundurën për t’u çliruar nga ai”, tha Berisha në Syri Tv.
