Koncerti me energji të lartë nisi me interpretimin e këngës “I’m Not High I’m In Love”.
Më pas, 33-vjeçarja vazhdoi me interpretimin e hiteve të radhës si: “Miracle Man”, “I’m a Mess” dhe “Sacrifice”.
Artistja me origjinë shqiptare publikoi një këngë të re rimtike, “If Only I”, me Loud Luxury dhe Two Friends të enjten.
Bebe mbylli turneun e saj të Amerikës së Veriut të shtunën në Los Angeles.
Pas pak ditësh pushimi dhe relaksi, ajo është planifikuar të niset për në Evropë për disa data duke filluar nga 28 korriku.
Bebe Rexha së fundmi zbuloi se ajo ishte diagnostikuar me sindromën e vezoreve policistike, gjë e cila po i shkakton shtim të madh në peshë.
Në një postim në Instagram të mërkurën, këngëtarja ndau me fansat një video teksa kërcente në skenë me një kostum ngjyrë portokalli të ndezur.
“E di që kam shtuar peshë”, ka shkruar ajo. “Njerëzit kalojnë nëpër luhatje të peshës”.
