Dokument/ Babëzia, Banka e Shtetit, paguan 124 milionë lekë nga buxheti për ushqim falas të zyrtarëve
Nuk paguajnë as bukën që hanë/ Ja çfarë zhvatjeje bëjnë prej 10 vitesh që nga koha e Fullanit, të pangopurit me paga mujore 3000-6000 USD, pa harruar piknikët dhe banketet konfidencialë miliona lekë, që bëjnë çdo 3 muaj brenda e jashtë Shqipërisë me shpenzimet e Bankës.
Bankën e Shtetit, atje ku thuhet se kontrollohet me “lente” çdo shpenzim financiar buxhetor; prej 10 vitesh si “traditë” e ish-guvernatorit Fullani, vazhdojnë përvehtësohen miliona lekë të maskuara pas tenderëve për trajtimin e stafit.
Përveç shpenzimeve për piknikë, bankete brenda e jashtë Shqipërisë dhe stërvitje me palestër brenda Bankës; Këshilli Mbikëqyrës harxhon edhe 11 milionë lekë në muaj për ushqim katering të zyrtarëve të Bankës.
Sipas tenderit të shpallur më 7 qershor 2021, ushqimi do blihet i gatshëm e do serviret në mencën ngritur enkas brenda Bankës, kundrejt vlerës 124 milionë lekë të vjetra në vit.
Kjo shumë e barabartë me 400 paga mujore minimale, nuk do paguhet nga zyrtarët e bankës që kanë paga mujore 3000-6000 Euro, por nga buxheti i Bankës së Shtetit, duke i trajtuar si “Shpenzime korrente 3 mujore”.
Tenderi do bëhet më 23 qershor 2021 dhe nuk ka rëndësi se cila firmë private catering e fiton tenderin; por turp është zhvatja, që zyrtarët e shtetit me paga super të larta, u bëjnë taksave të një poulli në varfëri ekstreme.
