ot në orën 09:30 pritet të nisë zhvillimi i Samitit të Krerëve të Ballkanit Perëndimor, pjesë e të cilit do të jetë edhe kryeministri i Kosovës, Albin Kurti. Liderët e Ballkanit Perëndimor do të bëhen bashkë në Pallatin e Brigadave.
Kryeministri i Shqipërisë Edi Rama, kryeministri i Kosovës Albin Kurti, kryeministrja e Serbisë Ana Bërnabiç, kreu i qeverisë së Maqedonisë së Veriut Zoran Zaev, Bosnjë & Hercegovinës Zoran Tegeltija dhe ai i Malit të Zi, Zdravko Krivokapić do të jenë sot në Tiranë, në kuadër të Procesit të Berlinit, dy javë para vendimit të Këshillit Europian për negociatat me Shqipërinë dhe Maqedoninë e Veriut.
Fillimisht Rama do të presë kryetarin e Këshillit të Ministrave të Bosnjës dhe Hercegovinës, Zoran Tegeltija, më pas Komisionerin Europian për Zgjerimin, Oliver Varhelyi. Në Samit do të jenë dhe Sekretarja e Përgjithshme e Këshillit për Bashkëpunim Rajonal, Majlinda Bregu si dhe drejtori i Sekretariatit të CEFTA, Emir Djikic.
Ky Samit vjen pas turit të vizitave të Ramës në Hungari dhe Bullgari, ku tema që iu vu theksi ishte anëtarësimi i Shqipërisë në BE. Në orën 12;30, kryeministri Rama do të mbajë një konferencë për shtyp me Komisionerin Europian për Zgjerimin dhe Fqinjësinë e Mirë, Olivér Várhelyi. Ndërsa në orën 15:00, do të bëhet firmosja e marrëveshjeve.
AXHENDA E SAMITIT TË TIRANËS
Vendndodhja: Pallati i Brigadave
09.30 – Takim Bilateral me Zoran Tegeltija, Kryetar i Këshillit të Ministrave të Bosnjës dhe Hercegovinës (FOTO + Kamera Zyrtare)
10.00 – Takim Bilateral me Olivér Várhelyi, Komisionerin Europian për Zgjerimin dhe Fqinjësinë e Mirë (FOTO + Kamera Zyrtare)
10.30 – Mbërritja e delegacioneve (FOTO + Kamerat e akredituara të vendosura në oborrin përpara hyrjes)
Olivér Várhelyi, Komisioneri Europian
Milo Đukanović, President i Malit të Zi
Brnabić, Kryeministër i Serbisë
Albin Kurti, Kryeministër i Kosovës
Zoran Tegeltija, Kryetar i Këshillit të Ministrave të Bosnjës dhe Hercegovinës
Zoran Zaev, Kryeministër i Maqedonisë së Veriut
Majlinda Bregu, Sekretar i Përgjithshëm i Këshillit për Bashkëpunim Rajonal
Emir Djikic, Drejtor i Sekretariatit të CEFTA
Ljuba Siljanoska, Zëvendës Drejtori i Sekretariatit të Përhershëm të organizatës së Traktatit të Komunitetit të Transportit
11.00 – Seanca Plenare (FOTO + Kamera Zyrtare)
12.30 – Foto Familjare (FOTO + Kamera Zyrtare)
12.30 – Konferencë për shtyp e Kryeministrit Edi Rama me Komisionerin Europian për Zgjerimin dhe Fqinjësinë e Mirë, Olivér Várhelyi (Regji Televizive + FOTO + Kamerat e akredituara)
13.00 – Drekë Pune (FOTO + Kamera Zyrtare 3 minuta)
15.00 – Firmosje e marrëveshjeve (Regji Televizive + FOTO + Kamera Zyrtare)
15.15 – Ceremonia e inaugurimit të Qendrës së Informimit Kulturor (FOTO + Kamera Zyrtare)
