Asociacioni i Gazetarëve Shqiptarë anëtare me të drejta të plota në Federatën Europiane të Gazetarëve prezanton webin zyrtar dhe ka një thirrje për punonjësit e medias

Të nderuar gazetarë, kameramanë, dhe punonjës të medies në Shqipëri,
Kemi kënaqësinë t’ju prezantojmë me webin zyrtar të Asociacionit të Gazetarëve të Shqipërisë.
Kjo do të jetë një nga dritaret tona të rëndësishme të komunikimit në vazhdim.
Duke këmbëngulur te vlerat dhe misioni ynë për të qëndruar pranë çdo punonjësi të medies, ne ju bëjmë thirrje që në këtë moment të rëndësishëm të anëtarësoheni në AGSH.
Në web faqen tonë do të mund të gjeni seksionin Anëtarësohu, plotësoni të dhënat dhe aplikimi juaj do të përpunohet sa më shpejt.
AGSH është tanimë anëtare me të drejta të plota në Federatën Europiane të Gazetarëve, ndërsa ne jemi në përgatitjen e planit që të gjithë anëtarët e AGSH të mund të përfitojnë nga shërbime të ndryshme benda dhe jashtë vendit.
Gjithashtu qënia pjesë me të drejta të plota në AGSH u jep mundësinë anëtarëve: Të kandidojnë dhe të zgjidhen për të gjitha organet drejtuese të organizatës përfshirë bordin drejtues dhe kryetarin e AGSH.