Kinematografia shqiptare ka humbur jetën një ndër aktorët e njohur të viteve 80′, Enea Zhegu, i cili do të mbahet mend sidomos me rolin te ‘Tomka dhe shokët e tij’.
Lajmin e ka bërë të ditur aktori Ledio Lako i cili me anë të një postimi në rrjetet sociale ka njoftuar ndarjen nga jeta të Zhegut.
“Lamtumirë miku im. Aktor qe te patën zili breza të tërë aktorësh! U rritëm me rrolet e tua. U prehsh në paqe Enea Zheku! ( Tomka)”-shkruan Lako krahas fotos me Zhegun.
Ene Zhegu lindi më 9 korrik 1964 dhe kishte mbaruar studimet në Insitutin e Lartë të Arteve për aktor. Ai e filloi veprimtarinë e tij në filmin shqiptar që në moshë 12-vjeçare, duke u angazhuar nga regjisori i mirvnjohur Dhimiter Anagnosti, për të interpretuar në filmin “Lulëkuqet mbi mure” në vitin 1976, ku interpretoi me shumë sukses rolin e Lelos. Nje vit me pas, 1977 spikati me rolin e Zigurit ne filmin “Njeriu me top” dhe veçanerisht shkëlqeu me atë të Tomkës në “Tomka dhe shokët e tij”, rol i cili e bëri të njohur dhe e identifikonte tek publiku.
