27 gusht 1877- ditëlindja e arkeologut të shquar francez Leon Rein (1877-1954), i cili zë një vend të veçantë në arkeologjinë shqiptare. Gjatë viteve 1924-1939, në krye të Misionit Arkeologjik Francez kreu 15 fushata gërmimesh arkeologjike në Apoloni, ku u zbuluan përveç portikut, buleterionit, bibliotekës, odeonit, nekropolit, një pjesë banesash dhe muresh rrethuese edhe shumë objekte të tjera si statuja, buste, relieve, mbishkrime, qeramika, etj. Meritë e Leon Reit është edhe botimi i rezultateve të kësaj pune në revistën shkencore ‘’Albania” dhe prezantimi i Apolonisë dhe monumenteve të saj në konferenca të ndryshme, në Shqipëri dhe jashtë saj. Për punën dhe veprimtarinë e tij Leon Rei është shpallur “Qytetar Nderi” i Fierit, ndërsa një rrugë e qytetit mban sot emrin e tij.
