65 kontrollorë të trafikut ajror të Albcontrol kanë hyrë sot në grevë për shkak të uljes së pagave dhe disa prej kushteve të punës. Për pasojë, sot, në mënyrë të paprecedentë të gjitha fluturimet hyrëse dhe dalëse nga Aeroporti i Rinasit, janë pezulluar. Shqipëria është e mbyllur nga transporti ajror. Në një konferencë për mediat në mesditë, pas dështimit të negociatave me kontrollorët, ministrja e Energjisë dhe Infrastrukturës, Belinda Ballukut tha ky është një grusht shteti, ku të përfshirë janë edhe ish-kryeministri Sali Berisha dhe presidenti Ilir Meta. Sipas Ballukut, Meta është takuar me kontrollorët. Ky vendim do të pezullojë edhe mbërritjen e vaksinave Anti-COVID19 në Shqipëri.
Ministrja foli më tej për situatën e kontrollorëve. Ajo tha se ata janë të stresuar për shkak të uljes së pagave, por në këtë çështje nuk ka lidhje shteti shqiptar, pasi as nuk jep dhe as nuk merr para nga Albcontrol. Balluku tha se Albcontrol është në varësi të Ministrisë së Insfrastrukturës me kapital 100% shtetëror.
Pandemia goditi sektorin e aviacionit në Shqipëri duke bërë që Bordi i Albcontrol të ulë me 62% pagat e kontrollorëve. 65 punonjësit kanë firmosur sot deklaratën e paaftësisë në punë për shkak të stresit të vazhdueshëm që kanë. Në grevën e sotme, kontrollorët kërkuan rikthim të kolegëve të tyre në punë, rikthimin e pagës së plotë sipas kontratës, transparencë financiare për vitin 2020, shfuqizim i vendimeve të bordin dhe pjesëmarrjen në bord.
13 fluturimet e anuluara që ishin parashikuar për ditën e sotme
Austrian Airlines – Tiranë – Vjenë dhe kthim
Wizz Air – Tiranë – Milano dhe kthim
Lufthansa – Tiranë – Frankfurt dhe kthim
Air Albania – Tiranë – Stamboll dhe kthim
Air Albania – Tiranë – Bolonja dhe kthim
Aegean – Tiranë – Athinë dhe kthim
Ëizz Air – Tiranë – Bergamo dhe kthim
Air Albania – Tiranë – Bergamo dhe kthim
Austrian – Tiranë – Vjenë dhe kthim
Pegasus – Tiranë – Stamboll dhe kthim
TUI – Tiranë – Bruksel dhe kthim
Air Albania – Tiranë – Romë dhe kthim
Alitalia – Tiranë – Romë dhe kthim
