Festat e fundvitit/ Luan Bregasi sfidon shtetin me darkë gala, qytetari: Ne pa parti duhet të mbyllim restorantet!
Ky vit ka qenë i vështirë për shumë kategori njerëzish, përfshirë edhe bizneset. Pandemia Covid i detyroi shumë qytetarë të humbnin punën, ndërsa bizneset të mbylleshin, duke u shkaktuar një kosto financiare që vështirë se rikuperohet. E teksa fundviti po afron, qeveria ka miratuar masa të reja shtesë me qëllim parandalimin e përhapjes së koronavirusit. Por rezulton se këto rregulla po zbatohen në mënyrë selektive, pasi qytetarët e thjeshtë dhe bizneset janë të detyryuar të ndërpresin aktivitietin e tyre pas orës 20: 30, ndërsa nga ana tjetër ‘të fortët’ e pushtetit nuk duan t’ia dinë, pasi i kanë krahët e ngrohtë nga qeveria. Një tjetër rast që vërteton këtë sa thamë, është dhe një darkë gala e organizuar nga biznesmeni Luan Bregasi në resortin e tij në Durrës, “Palace Hotel Durrës”.
Arsyeja e një oragnizimi të tillë dhe thyerje të rregullave anti-Covid? Miqësia me pushtetin. Ndërkohë, për bizneset e vogla dhe të papërziera me parti, është e detyrueshme mbyllja. Për këtë ka shkruar edhe një qytetar ne redaksinë tonë, i cili shpreh shqetësimin në lidhje me këto favorizime dhe ‘përkëdhelje’ që pushteti i bën personave të afërt të tij.
Qytetari shkruan:
Per keto te fortit e Pushtetit nuk ka kovid , Luan Bregasi sfidon shtetin! Darke gala ne nderrimin e viteve , ndersa ne pa parti duhet te mbyllim restorantet.
