Rikthehet karantina, ambasada nxjerr njoftimin e rëndësishëm për shqiptarët që duan të udhëtojnë drejt Greqisë.
Ambasada greke në Shqipëri njofton se do të mbeten në fuqi deri më 7 janar të vitit tjetër masat kufizuese për shqiptarët që duan të udhëtojnë drejt vendit fqinj.
Me anë të një njoftimi në rrjetet sociale thuhet se të gjithë ata që futen në Greqi duke filluar nga data 18 dhjetor deri më 7 janar, do të detyrohen që të qëndrojnë për tre ditë në karantinë.
“Duke u bazuar tek të dhënat epidimiologjike, masat kufizuese në fuqi për personat që udhëtojnë nga Shqipëria në Greqi, mbeten në fuqi deri më datën 7 janar 2021. Theksohet se të gjithë ata që futen në Greqi, në çfarëdolloj mënyre, që prej datës 18 dhjetor dhe deri më 7 janar të vitit 2021, janë të detyruar të qëndrojnë për tre ditë në karantinë, në shtëpi apo në vendqëndrimin e përkohshëm, adresa e të cilit deklarohet në. formularin elektronik PLF”, theksohet në njoftim e ambasadës greke.
