“Nga i pari tek i fundit, keni 100 ditë kohë”/ Afati i dhënë nga Rama, a është Ardi Veliu koka e parë e “prerë” pas dështimit për reformimin e policisë?
Në datën 8 korrik të këtij viti, kryeministri Edi Rama në një takim me drejtuesit e Policisë së Shtetit, tha se do u jepte nëj afat 100 ditor ëpr të bërë reformime në struktura për të sjellë një shërbim më të mirë tek qytetarët dhe për të ofruar më shumë siguri.
Muaj më vonë, shohim se ky afat nuk është respektuar dhe se nuk është bërë ndonjë ndryshim i lartë që mund të na tregojë se janë ndërmarrë reforma të caktuara që modernizojnë shërbimin e policisë së shtetit duke sjellë një nivel më të lartë sigurie.
“Unë dua t’iu them se keni 100 ditë kohë për ta rivënë të gjithë trupën në angazhim maksimal nga i pari tek i fundit. Asnjë ditë më shumë, vetëm 100 ditë! Që qytetarët të marrin frymë shumë të plotësuar, duke e parë Policinë e Shtetit në një nivel tjetër. Asnjë shkencë, asnjë shpikje, asnjë luftë me një të panjohur, thjesht dhe vetëm gjërat që i dini, që dini t’i bëni mirë, se ndaj jeni zgjedhur, gjërat që njerëzit duan si themelin e marrëdhënies me shtetin dhe policinë e tyre”– u shprehte Rama në datën 8 korrik.
Ndërsa sot, sapo është komunikuar ende jo zyrtarisht shkarkimi i drejtorit të përgjithshëm të Policisë, Ardi Veoiut. Kjo mund të jetë lëvizja e parë e marrë nga kryeministri Edi Rama si një lloj “ndëshkimi” pasi nuk është ndërmarrë asnjë reformë konkrete për sigurinë e qytetarëve, duek parë ngjarjet e fundit të ndodhura në vend, ku një prej tyre ishte edhe atentati i mbrëmshëm në Elbasan, diçka që nuk ndodh për herë të parë.
