Por në një bilanc të ri të zbuluar nga OpenData, deputeti rilindas i sapozgjedhur në Durrës Arkend Balla del se ka në llogari 2.3 milionë euro të cilat i ka deklaruar si të ardhura nga paga!
Nëse doni të mësoni si bëhet pasuri marramendëse mjafton të ndiqni shembullin “kursimtar” të Ballës.
Deputeti i dalë nga Durrësi, që në zgjedhjet e 11 majit mori më shumë vota se vetë Edi Rama në bastionin e tij, ka deklaruar plot 230,207,998 lekë (pra, 2.3 milionë euro) në një llogari bankare, në formularin e deklarimit të pasurisë për vitin 2024.
Po si arrihet kjo? Sipas tij, falë “të ardhurave nga paga.”
Kujtojmë që paga neto e një deputeti në Shqipëri është rreth 170,000 lekë në muaj. Pra, edhe sikur të mos hante, të mos vishej, të mos paguante qira apo taksa dhe të mos shpenzonte asgjë për 113 vjet rresht… nuk do e arrinte këtë shumë!
Ndërkohë, qytetarët përballen me rritje qirash, papunësi, kredi të parealizuara dhe mungesë shprese dhe u duhen shekuj për të blerë një shtëpi në periferi të Tiranës, por deputeti në të 30-tat paska master në kursim.
Balla deputet akuzohet publikisht se përfaqëson një pjesë tejet të veçantë të elektoratit të Durrësit, atë të interesave të bandave në Kuvend.
A do e verifikojë SPAK burimin real të pasurisë së Arkend Ballës?
