CEREMONI PËRKUJTIMORE : – 111 VJET KONGRESI I ELBASANIT
111 vjet më parë, nga data 2-9 shtator 1909, në qytetin e Elbasanit shënohet një ngjarje e rëndësishme në historinë e arsimit, shkollës e kulturës shqiptare. Tashme, ajo, përkujtohet në histori si “Kongresi i Elbasanit” , ose “Kongresi i shkollave shqipe”. Në të morën pjesë 35 përfaqësues nga 28 klube e shoqëri patriotike, brenda e jashtë teritorit etnik shqiptar. Ky kongres është përkujtuar me një ceremoni të zhvilluar nga Bashkia e Elbasanit, ku vetë kryebashkiaku, Llatja e cilësoi si një nga ngjarjet më të rëndësishme të arsimit. Për zgjedhjen e delegatëve dhe vendimet që u morën në Kongresin e zhvilluar para 111 viteve në Elbasan, ka folur edhe historiani Roland Gjini. Mes të tjerash, ky i fundit solli para pjesmarrësve në këtë ceremoni episode, që pak njiheshin gjer më sot. Punimet e Kongresit të Elbasanit patën jehonë brenda dhe jashtë vendit. Punimet dhe vendimet në rrafshin kombëtar të Kongresit të Elbasanit, përbëjnë vlerë dhe kontribut në drejtim të përhapjes së arsimit, gjuhës amtare e kulturës kombëtare. Edlira Xherri
![](https://newsalbania.al/wp-content/uploads/2020/09/received_318932949352037.jpeg)